Tecelás e Costureiras .-

Na casa tamén se elaboran os tecidos cos que cubrirse. Os materiais tradicionais son o liño e a lá.

Nesta sala expóñense os diferentes útiles (ripas, mazotes, tascóns, restelos, cardas, rocas, fusos, saarillos, debanadoiras, caneleiros, etc.) que se empregan para preparar e transformar estes materiais, e, co apoio de paneis, explícanse as diferentes fases do longo proceso que se segue dende o cutivo e trasquilado das ovellas ata a elaboración final de pezas artesanais no tear. Complétase o espazo cunha sección centrada no labor da costureira e o xastre cunha ampla mostra de útiles e ferramentas propias destes oficios: pranchas, máquinas de coser, vara de medir, tesoiras, etc.